السلام عليكم ورحمه الله
النهارده جايبالكم اجمد نكت عن البخله يارب تعجبكم
*مره واحد بخيل ابو مات عيط عليه بعين واحده
مره واحد بخيل دخل على عياله البيت موتهم من الضرب علشان كانو مشغلين المروحه على 3 وهما اتنين بس
*مره واحد بخيل بيسألوه : لو الجو برد عليك هتعمل ايه؟
قالهم :هقعد جنب الدفايه
قالوله:لو البرد زاد هتعمل ايه؟
قالهم :هقرب من الدفايه
قالوله:لو البرد اشتد جامد هتعمل ايه؟
قالهم :هلزق في الدفايه
قالوله : ولو نزل تلج عليك ؟
قالهم : هولع الدفاية وامري لله
*مره واحد بخيل ابنه نجح جابله كوره هدية النجاح فالواد بيسأل ابوه : بابا انا لو نجحت السنه الجايه هتجبلى هديه ايه؟؟؟ قاله ابوه : هبقى انفخلك الكوره ان شاء الله
*واحد بخيل ابنه بيندهله من البلكونه بيقله : بابا يا بابا يا باباااااا
قاله : كفايه بابا واحده يابن الكلب
*مره واحد بخيل عزم واحد تانى بخيل برده على العشا
العشا اتحط راح صاحب البيت قاله محدش هيمد ايده على الاكل غير لما اصلى واخلص صلاه ماشي؟؟؟ التانى قله مااااشي
راح البخيل الي بيصلى قال : الله اكبر نويت اصلي 100 سنه لقدام
راح التانى قال : وانا نويت اقعد هنا ليوم القيامة
واحد بخيل بيموت ومجمع عياله حواليه بيقلهم وهوا بيخلص في اخر انفاسه: ااه , كلكم هنا يا عيالى يا حبايبى ؟؟ العيال بيعيطو وبيقلوله : ايوه يابابا كلنا حواليك اهو ابوهم قالهم : كلكم هنا وسايبين نور الصاله مفتوح يا ولاد الكلب
* واحد بخيل راح اشترى 3 تفاحات
قشر الاولانيه لقاها بايظه راح رماها
قشر التانيه لقاها بايظه خالص برده قام رماها
جه قبل ما يقشر التفاحه التالته طفى النور وقام وكلها
* واحد بخيل كان بيخلي مراته تعمل على الغدا بيضتين بس واحده ليه والتانيه ليها
قام الايريال فوق السطوح باز والتلفزيون مش راضي يشتغل طلع عشان يظبته , وهوا بيصله اتكعبل ووقع من السطوح وهوا نازل بيقول لمراته : يا امييييينه بلاش تسلقي البيضه التانيه انا بمووووووت
يارب النكت تكون عجابتكم
تحيـ(المارد الفتحاوى)ـات
السبت أغسطس 16, 2008 3:52 pm من طرف abu yasser